صباح الخير يا جروحي

زائر

انا في حضن الجرح نايم نعسان

والجرح بدراعه واخدني بالاحضان

بقوم من نومي حزني كبير

واقول لجروحي صباح الخير

صباح الخير يا جروحي

يا وجعي يا تعب روحي

انا لجروحي بغني

صباح الخير صباح الخير

شايل همي في حضني

وشايل برضو حزن كبير

صباح الخير يا اجدد جرح

جمب جراحي اهلا بيك

عارف هتقولي بتكره كلمه فرح

ياجرحي تحت امرك انا بين اديك

طول عمري بوصف دوا للمجروحين

بوصف دوا للآه ودوا لدموع العين

ومش لاقي وصف لدوايا

ولا حزني اللي جوايا

بنام بحزني واسايا

واقوم من نومي همي كبير

واقول لجراحي صباح الخير

ويجي الليل الاقي الويل

عيون سهرانه دموعها سيل

وقبل ما يطلع نور الشمس

بتصحى جراحي تهمس همس

قوم يا جريح عشان تبكي

يلا اتوجع واياك تشكي

بقوم ساكت صعبا ن عليا روحي

وبقول في سكوت صباح الخير يا جروحي

حاضر هتألم واتوجع

حافظ ومستعد اسمع

صباح الخير يا اول جرح

صباح الخير يا آخر جرح

خلاص سافر بعيد الفرح

وانا بجروحي اهو بكمل

صابر حاضر هتحمل

يلا يا عيني هاتي دموعك

وانت يا حزن هات بركانك

يلا يا فرح طفي شموعك

لا ده وقت ولا ده مكانك

الجرح خلى الفرح بقى عاجز

وخلي بيني وبينه مليون حاجز

وصحيت من نومي بقيت جاهز

عشان تبكي عنيا وتتعب روحي

وعشان اقول

صباح الخير يا جروحي